၃။  ရရှိနိုင်သော ဝန်ဆောင်မှုများ

iBanking/ mBanking ကိုအသုံးပြု၍ အောက်ပါ၀န်‌ဆောင်မှုများကို လုပ်ဆောင်နိုင်ပါသည်-

(က)    ငွေကြေးဆိုင်ရာ ၀န်ဆောင်မှုများ

(၁)      ကိုယ်ပိုင်စာရင်းလွှဲပြောင်းခြင်း

(၂)      အခြားရွှေဘဏ်စာရင်းသို့ လွှဲပြောင်းခြင်း

(၃)      အချိန်ဇယားသတ်မှတ်၍ စာရင်းလွှဲပြောင်းခြင်း

(၄)      စာရင်းအစုလိုက် လွှဲပြောင်းခြင်း

(၅)      ဖုန်းငွေဖြည့်ခြင်း

(၆)      Skynetဘေလ် ပေးဆောင်ခြင်း

(၇)      Mahar Netဘေလ် ပေးဆောင်ခြင်း

(၈)      လျှပ်စစ်မီတာဘေလ်ပေးဆောင်ခြင်း  (ရန်ကုန်၊ မန္တလေး၊ ပဲခူး၊ ပြည်၊ နေပြည်တော်)

(၉)      အခြားဘဏ်သို့ စာရင်းလွှဲပြောင်းခြင်း

(၁၀)    အခြားဘဏ်သို့ အမြန်ငွေလွှဲရန်

(၁၁)    Yangon Pharmacy Wholesaleဘေလ် ပေးဆောင်ခြင်း

(ခ)      ငွေကြေးဆိုင်ရာမဟုတ်သော အခြား၀န်ဆောင်မှုများ

(၁)      စာရင်းအချက်အလက်များ ကြည့်ရှူခြင်း

(၂)      မိုးဘိုင်းလ်အကောင့် ဝင်ရောက်မှုမှတ်တမ်း

(၃)      အသုံးပြုသူအမည် ပြောင်းလဲခြင်း

(၄)      စကားဝှက် ပြောင်းလဲခြင်း

(၅)      ငွေပေးချေမှုဆိုင်ရာ မှတ်တမ်း

(၆)      စာရင်းရှင်းတမ်း ရယူခြင်း

“အဓိပ္ပါယ်”

ကိုယ်ပိုင်စာရင်း လွှဲပြောင်းခြင်း – သင့်ကိုယ်ပိုင် ရွှေဘဏ်စာရင်းအချင်းချင်း စာရင်းလွှဲပြောင်း နိုင်ပါသည်။

အခြားရွှေဘဏ်စာရင်းသို့ လွှဲပြောင်းခြင်း – သင့်ကိုယ်ပိုင် ရွှေဘဏ်စာရင်းမှ အခြားရွှေဘဏ်စာရင်းများသို့ စာရင်းလွှဲပြောင်းနိုင်ပါသည်။

အချိန်ဇယားသတ်မှတ်၍ စာရင်းလွှဲပြောင်းခြင်း – ကိုယ်ပိုင်စာရင်းလွှဲပြောင်းခြင်း (သို့) ရွှေဘဏ် စာရင်းများအချင်းချင်း စာရင်းလွှဲပြောင်းခြင်းအတွက် လွှဲပြောင်းလိုသည့် ရက်စွဲနှင့် အချိန်ကို အလိုရှိသလို   သတ်မှတ်နိုင်ပါသည်။

စာရင်းအစုလိုက် လွှဲပြောင်းခြင်း – ကုမ္ပဏီစာရင်းဖြင့် ibanking အသုံးပြုသူများသာ လစာပေးချေမှုဆိုင်ရာ ဝန်ဆောင်မှု (သို့) စာရင်းအများအပြားလွှဲပြောင်းခြင်း အသုံးပြုနိုင်ပါသည်။

ဖုန်းငွေဖြည့်ခြင်း – ဖုန်းငွေဖြည့်သွင်းခြင်းအား မည်သည့်ဖုန်းအော်ပရေတာကိုမဆို ငွေဖြည့်သွင်းနိုင်ပါသည်။

Skynetဘေလ် ပေးဆောင်ခြင်း – သင်ရွေးချယ်သည့် Skynet Bill ပက်ကေ့ချ်အတွက် ရွေးချယ်ပြီး ပေးဆောင်နိုင်ပါသည်။

Mahar Netဘေလ် ပေးဆောင်ခြင်း  –  လစဉ် Mahar Netဘေလ်များကို ရွှေဘဏ်၏ iBanking/mBanking ဝန်ဆောင်မှုအား အသုံးပြု၍ ပေးဆောင်နိုင်ပါသည်။

လျှပ်စစ်မီတာဘေလ် ပေးဆောင်ခြင်း –  ရန်ကုန်၊ မန္တလေး၊ ပဲခူး၊ ပြည်၊ နေပြည်တော်မြို့နယ်များအတွက် လစဉ်လျှပ်စစ်မီတာဘေလ်များကို ရွှေဘဏ်၏ iBanking/mBanking ဝန်ဆောင်မှုအား အသုံးပြု၍ ပေးဆောင်နိုင်ပါသည်။

အခြားဘဏ်သို့ စာရင်းလွှဲပြောင်းခြင်း – ရွှေဘဏ်အကောင့်မှ အခြားဘဏ်များ၏ ဘဏ်စာရင်းများသို့ လွယ်ကူလျှင်မြန်စွာ လွှဲပြောင်းနိုင်ပါသည်။ (မနက် ၉:၄၀မှ ညနေ ၃:၃၀ အတွင်း စာရင်းလွှဲပြောင်းမှုများတွင် အချိန်နှင့်တပြေးညီ လွှဲပြောင်း၊ လက်ခံရရှိနိုင်ပြီး ဘဏ်ဖွင့်ချိန်ကျော်လွန်သော ငွေလွှဲပြောင်းမှုများတွင် နောက်တရက် ဘဏ်ဖွင့်ချိန်အတွင်း စာရင်းလွှဲပြောင်းမှုကို လက်ခံရရှိနိုင်ပါသည်။)

အခြားဘဏ်သို့ အမြန်ငွေလွှဲရန်   –   ရွှေဘဏ်အကောင့်မှ အခြားဘဏ်များ၏ ဘဏ်စာရင်းများသို့ အချိန်နှင့် တပြေးညီ လွယ်ကူလျှင်မြန်စွာ လွှဲပြောင်းနိုင်ပါသည်။ အများဆုံး စာရင်းလွှဲပြောင်းငွေ အကန့်အသတ်မှာ အခြားဘဏ်သို့ စာရင်းလွှဲပြောင်းခြင်းထက် နည်းသည်။

Yangon Pharmacy Wholesaleဘေလ် ပေးဆောင်ခြင်း  –  Yangon Pharmacy Wholesaleသို့ ဘေလ် ပေးဆောင်ခြင်းကို ရွှေဘဏ်၏ iBanking/mBanking ဝန်ဆောင်မှုအား အသုံးပြု၍ ပေးဆောင်နိုင်ပါသည်။

စာရင်းအချက်အလက်များ ကြည့်ရှု့ခြင်း – သင့်စာရင်းအချက်အလက်နှင့် လက်ကျန်ငွေကို အချိန်နှင့် တပြေးညီ ကြည့်ရှုစစ်ဆေးနိုင်ပါသည်။

မိုဘိုင်းလ်အကောင့် ဝင်ရောက်မှုမှတ်တမ်း – မိုဘိုင်းလ် (သို့) ကွန်ပျူတာမှ သင်‌၏ လော့ဂ်အင်၀င်ရောက်မှု မှတ်တမ်းများကို စစ်ဆေးနိုင်ပါသည်။

အသုံးပြုသူအမည် ပြောင်းလဲခြင်း –  ဘဏ်မှ သတ်မှတ်ပေးထားသည့် အသုံးပြုသူအမည်ကို မိမိနှစ်သက်ရာ အမည်သို့ ပြောင်းလဲနိုင်ပါသည်။

စကားဝှက် ပြောင်းလဲခြင်း – သင်အလိုရှိသည့်အခါ (သို့) သင့်စကားဝှက်ကို အခြားသူတစ်ဦးမှ သိထားပြီးဖြစ်သည်ဟု သံသယရှိသည့်အခါတွင် ပြောင်းလဲနိုင်သည်။

ငွေပေးချေမှုဆိုင်ရာ မှတ်တမ်း – သင်ပြုလုပ်ခဲ့သည့် ငွေပေးချေခြင်းဆိုင်ရာ မှတ်တမ်းအားလုံးကို အချိန်နှင့် တပြေးညီ စစ်ဆေးကြည့်ရှုနိုင်ပါသည်။

စာရင်းရှင်းတမ်း ရယူခြင်း – ဘဏ်စာရင်းရှင်းတမ်းကို မိမိကိုယ်တိုင် တောင်းဆိုနိုင်ပြီး သင်အလိုရှိသည့် အချိန်တွင် ထုတ်ယူနိုင်ပါသည်။